”აფბა” სახელმწიფო ბიუჯეტიდან სესხების გაცემის პრაქტიკის მოსალოდნელ დანერგვას აპროტესტებს
16/11/2009
არასამთავრობო ორგანიზაცია ”ახალგაზრდა ფინანსისტთა და ბიზნესმენთა ასოციაცია” (აფბა), 2010 წლის ბიუჯეტიდან სესხების გაცემის იდეას აპროტესტებს და მოითხოვს, რომ აღნიშნული პუნქტი ამოღებულ იქნას ქვეყნის მთავარი ფინანსური დოკუმენტიდან.
2010 წლის ბიუჯეტის პროექტი განსახილველად პარლამენტშია შესული. პროექტში ჩადებულია პირობა, რომ მთავრობას 2010 წლის ბიუჯეტიდან შეუძლია იურიდიულ პირებზე სესხი გასცეს. ”აფბა”-ში მიაჩნიათ, რომ აღნიშნული გადაწყვეტილება არის კერძო ბიზნესში უხეში ჩარევა, რაც წინააღმდეგობაში მოდის იმ განცხადებებთან, რომელიც ბოლო დროს საქართველოს პრეზიდენტმა მიხეილ სააკაშვილმა გააკეთა, აგრეთვე ”ეკონომიკური თავისუფლების აქტით” დეკლარირებულ პრინციპებთან.
Advertisement
Categories: ფინანსები
